sakke & arjaon 28 augustus 2010
Beste Sakke,
Sie, zwoa langzaom’r’and is ’t ènde van de zeum’r d’r wee’ voa’ da’ je d’r err’g in èt. Wa’ hao’ de tied toch snel ‘oar je bienao ied’re dag wè’ ’n kji’ of wa’ zegh’n. Mao’ jao, dad’is noe jinmaol zwoa, dao’ kunn’n wudd’r niks an v’rand’r’n. A da’ zwoa zou zien, dan zou je da’ knopje vast en zeek’r ’n kji indrukk’n en op stop zett’n of zell’fs probeer’n t’rug te draoj’n zwoada’ wudd’r wee’ ’n jao’of twint’g zien en dan wè in deez’n tied leev’n.
Teegh’nwoard’g kan toch imm’rs alles eeh? In onz’n tied moes je op tied thuus zien, a je van ‘uus mocht, wan’ da’ moes’ je oek mao’ afwacht’n. Noe komm’n z’aost nie’ mji’ thuus a je ’t mie vraogt. De jeugd reeg’lt z’n eigh’n lev’ntje en da’ liek m’n oek wè schwoane.
Wudd’r kwaom’n vroegh’r nie’ vè’d’r dan de kermesse in De Hroe of Sintepier. Noe pak je ’t vliegtuug en je hao’ eev’n nao’ Zuud Aofrikao om ’n voetbalwedstrijd te bekiek’n.
Eet’n deej’n wudd’r aljinn’g mao’ thuus en dan oek nog Kezanse kost as preiprol, taoje waof’ls en stroapvet. Je moe’ noe op ’n aov’nd ’n kji’ oav’r de Keipad lwoap’n en in de restaurants kiek’n. ’t Kan hebeur’n dan z’aost uutmekaore bost’n van ’t antal mens’n da’t’r binn’n zit ’t eet’n. En wa’ kan je nie’allemao’ eet’n? Piezao’s, brwoadj’s kebap, nassi, nieuw’n èrrienk, swarmao, kibbelieng, scampies, boejabèze, fri-demèr, noem ’t maor op, dao’ zit in ied’r heval nie’ vee’ Kezanse kost tuss’n. A’t moet, kom jin of and’re trèteur ’t zell’fs thuus brieng’n.
Oav’r eet’n hesproak’n: nog ’n paor week’n en dan is t’r da’ boehondies buffet van Jaccoa Bakk’r in die tente. ’t Is toch de bedoelieng da’ wudd’r dao’ mie ons viertj’s nao’ toehaon eeh. A ’t hoed is è Jaone van joe toch a kaort’n hekocht. ’t Schien a t’r vee’ belangstellieng voar’is. Dan kunn’n wudd’r wee’ ’n kji’ op ’t hemakje rondkiek’n en d’and’re Bressiaond’rs kji’ in de haot’n ‘ouw’n. ‘k Bin benieuwd of t’r nog nieuwtj’s nao’ voar’n komm’n, je weet mao’ nwoait.
Vè’d’r hao’ all’s hoed mie ons, mao’ a hie oajt da’ knopje kan vinn’n om de tied stille te zett’n, dan moe’ je ‘t ’n kji’ zegh’n, wan’ da’ liek me toch wè int’ressant.
De nèst’gheid eeh,
Sie, zwoa langzaom’r’and is ’t ènde van de zeum’r d’r wee’ voa’ da’ je d’r err’g in èt. Wa’ hao’ de tied toch snel ‘oar je bienao ied’re dag wè’ ’n kji’ of wa’ zegh’n. Mao’ jao, dad’is noe jinmaol zwoa, dao’ kunn’n wudd’r niks an v’rand’r’n. A da’ zwoa zou zien, dan zou je da’ knopje vast en zeek’r ’n kji indrukk’n en op stop zett’n of zell’fs probeer’n t’rug te draoj’n zwoada’ wudd’r wee’ ’n jao’of twint’g zien en dan wè in deez’n tied leev’n.
Teegh’nwoard’g kan toch imm’rs alles eeh? In onz’n tied moes je op tied thuus zien, a je van ‘uus mocht, wan’ da’ moes’ je oek mao’ afwacht’n. Noe komm’n z’aost nie’ mji’ thuus a je ’t mie vraogt. De jeugd reeg’lt z’n eigh’n lev’ntje en da’ liek m’n oek wè schwoane.
Wudd’r kwaom’n vroegh’r nie’ vè’d’r dan de kermesse in De Hroe of Sintepier. Noe pak je ’t vliegtuug en je hao’ eev’n nao’ Zuud Aofrikao om ’n voetbalwedstrijd te bekiek’n.
Eet’n deej’n wudd’r aljinn’g mao’ thuus en dan oek nog Kezanse kost as preiprol, taoje waof’ls en stroapvet. Je moe’ noe op ’n aov’nd ’n kji’ oav’r de Keipad lwoap’n en in de restaurants kiek’n. ’t Kan hebeur’n dan z’aost uutmekaore bost’n van ’t antal mens’n da’t’r binn’n zit ’t eet’n. En wa’ kan je nie’allemao’ eet’n? Piezao’s, brwoadj’s kebap, nassi, nieuw’n èrrienk, swarmao, kibbelieng, scampies, boejabèze, fri-demèr, noem ’t maor op, dao’ zit in ied’r heval nie’ vee’ Kezanse kost tuss’n. A’t moet, kom jin of and’re trèteur ’t zell’fs thuus brieng’n.
Oav’r eet’n hesproak’n: nog ’n paor week’n en dan is t’r da’ boehondies buffet van Jaccoa Bakk’r in die tente. ’t Is toch de bedoelieng da’ wudd’r dao’ mie ons viertj’s nao’ toehaon eeh. A ’t hoed is è Jaone van joe toch a kaort’n hekocht. ’t Schien a t’r vee’ belangstellieng voar’is. Dan kunn’n wudd’r wee’ ’n kji’ op ’t hemakje rondkiek’n en d’and’re Bressiaond’rs kji’ in de haot’n ‘ouw’n. ‘k Bin benieuwd of t’r nog nieuwtj’s nao’ voar’n komm’n, je weet mao’ nwoait.
Vè’d’r hao’ all’s hoed mie ons, mao’ a hie oajt da’ knopje kan vinn’n om de tied stille te zett’n, dan moe’ je ‘t ’n kji’ zegh’n, wan’ da’ liek me toch wè int’ressant.
De nèst’gheid eeh,
Arjaon